एमालेले आत्मसमिक्षा नगरेसम्म कुनै किसिमको सहकार्य हुदैन- प्रचण्ड

काठमाडौँ । नेकपा माओवादी केन्द्रका अध्यक्ष पुष्पकमल दाहाल प्रचण्डले एमालेले विगतका गल्तीको आत्मसमिक्षा नगरेसम्म कुनै किसिमको सहकार्य नहुने स्पष्ट गरेका छन् ।

प्रचण्डले शुक्रबार सुर्खेत विमानस्थलमा पत्रकारहरुसँग कुरा गर्दै अहिले एमालेसँग तालमेल वा सहकार्यको कुनै सम्भावना नरहेको बताएका हुन् ।

प्रचण्डले गठबन्धनमा अहिले सकारात्मक ढंगले छलफल अगाडी बढेको र शनिबारसम्म धेरै विषय टुंगिने बताएका छन् । प्रचण्डले प्रतिनिधिसभा र प्रदेश सभाको सबै सिट टुंगो लगाउदा समय लागेको बताएका छन् । उनले गठबन्धनले प्रतिनिधि सभामा एक दललाई दिए प्रदेश सभामा अर्को दललाई अवसर दिने तयारी गर्दा समय लागेको बताउदै सिट बाँडफाँटमा गठबन्धनमा कुनै विवाद नरहेको बताए ।