सुपर फोरमा श्रीलंकाको विजयी शुरुवात, अफगानिस्तान ४ विकेटले पराजित

काठमाडौँ । एशिया कप क्रिकेटको सुपर फोर अन्तर्गत श्रीलंकाले अफगानिस्तानलाई ४ विकेटले पराजित गरेको छ ।

शनिबार राति सम्पन्न खेलमा अफगानिस्तानले दिएको १७६ रनको लक्ष्य पछाएको श्रीलंकाले १९.१ ओभरमा ६ विकेट गुमाउदै लक्ष्य पुरा गरेको थियो ।

यसअघि टस हारेर पहिला ब्याटिंग गरेको अफगानिस्तानले २० ओभरमा ६ विकेट गुमाउदै १७५ रन बनाएको थियो ।

योसँगै श्रीलंकाले यसअघि समुह चरणमा अफगानिस्तानसँग बेहोरेको हारको बदला समेत लिएको छ । समुह चरणमा अफगानिस्तानले श्रीलंकालाई ८ विकेटले पराजित गरेको थियो ।

यो जितपछि श्रीलंकाले सुपर फोरमा विजयी शुरुवात गरेको छ । सुपर फोर अन्तर्गत आइतबार भारत र पाकिस्तानबीच खेल हुदै छ ।