बर्लिनसँग बराबरीमा रोकियो बायर्न म्युनिख

काठमाडौँ । जर्मनी बुण्डेसलिगा अन्तर्गत बायर्न म्युनिख बराबरीमा रोकिएको छ ।

शनिबार राति सम्पन्न खेलमा बायर्न म्युनिख युनियन बर्लिनसँग १-१ गोलको बराबरीमा रोकिएको हो ।

बर्लिनका लागि खेलको १२औं मिनेटमा शेराल्ड़ोले गोल गर्दै शुरुवाती अग्रता लिएको थियो भने त्यसको तेस्रो मिनेटमा नै जोशुआ किमिचको गोलमा बायर्नम्युनिखले खेल बराबरी गरेको थियो ।

बायर्नको यो यस सिजनको दोस्रो बराबरी हो । यो खेलपछि बायर्नको ५ खेलमा ३ जित र २ बराबरीसहित ११ अंक भएको छ । त्यस्तै युनियन बर्लिनको पनि ५ खेलमा ३ जित र २ बराबरीसहित ११ अंक नै रहेको छ ।