काठमाडौं । राष्ट्रिय सहकारी महासंघले सदस्यता अद्यावधिक गर्न १८ संघलाई ३५ दिने सूचना जारी गरेको छ ।

महासंघको विनियम २०५० (संशोधनसमेत) को दफा १० को उपदफा १ खण्ड (ग) र खण्ड (च) मा रहेको व्यवस्थाअनुसार लामो समयदेखि वार्शिक सेवाशुल्क बुझाउन बाँकी रहेका र वार्षिक प्रतिवेदन नबुझाएका संस्थाहरूले ३५ दिनभित्र बुझाउन भनिएको छ ।  सदस्यता अद्यावधिक नगरे सदस्यता खारेज गरिने  महासंघले जनाएको छ ।

सूचनामा सदस्यको निष्कासन गर्नु अघि समितिले सम्वन्धित सदस्यलाई आफूलाई लागेको आरोपको सम्वन्धमा स्पष्टीकरण दिने वा त्यस्तो आरोपको खण्डन गर्न सकिने छ । त्यसकालागि सदस्यता नियमितता गर्न नसक्नुको कारण सहितको स्पष्टिकरण पेश गर्न र भुक्तानी गर्न बाँकी रहेको सदस्यता शुल्क बुझाउन भनेको छ ।