बाँके । बाँकेको नेपालगञ्ज तथा कोहलपुर क्षेत्रको विद्युत आपुर्तिलाई गुणस्तरीय बनाउन प्रशारण तथा वितरण प्रणालीका पूर्वाधारहरुको सञ्जाल निर्माण गरिने भएको छ ।

नेपालगञ्ज र कोहलपुर आसपासका क्षेत्रहरुमा सन् २०५० सम्म वृद्धि हुन सक्ने विद्युतको संभावित माग प्रक्षेपण गरी माग धान्ने गरी पूर्वाधार संचरना बनाउने भएको हो ।

नेपाल विद्युत प्राधिकरणका कार्यकारी निर्देशक कुलमान घिसिङ नेतृत्वको प्राधिकरणको उच्चस्तरीय टोलीले शनिवार र आइतबार नेपालगञ्ज क्षेत्रको स्थलगत अनुगमन गरेको थियो ।

अनुगमनका क्रममा विद्यमान प्रसार र वितरण लाइन तथा सबस्टेसनहरुको स्तरोन्नतिका लागि तत्काल प्राधिकरणले गर्नुपर्ने कामका बारेमा जानकारी लिएका छन् ।