काठमाडौं । निवर्तमान प्रधानमन्त्री शेरबहादुर देउवाले आज प्रधानमन्त्रीको सरकारी निवास बालुवाटार छाड्ने भएका छन् ।

एमालेलगायत दलको समर्थनमा प्रचण्ड प्रधानमन्त्री नियुक्त भएको भोलिपल्टै देउवाले सरकारी निवास छाड्ने तयारी गरेका हुन् ।

बालुवाटार स्रोतले जनाएअनुसार, प्रचण्डले पद तथा गोपनीयताको शपथ गर्नुअघि नै सरकारी निवास छाडेर निजी निवास जाने तयारी गरेका छन् । देउवाको निजी निवास बूढानीलकण्ठमा छ ।

एमाले, राष्ट्रिय स्वतन्त्र पार्टी, राष्ट्रिय प्रजातन्त्र पार्टीलगायत दलको समर्थनमा प्रचण्ड आइतबार प्रधानमन्त्रीमा नियुक्त भएका थिए । उनले आज अपराह्न चार बजे पद तथा गोपनीयताको शपथ लिँदैछन् । आजै उनले सानो आकारको मन्त्रिमण्डल विस्तार गर्ने पनि बताइएको छ ।