काठमाडौं । निर्वाचन सकिएको एक महिनापछि प्रदेशसभामा माओवादीको एक सिट थपिएको छ ।

मधेश प्रदेशसभामा सर्लाही क्षेत्र नं. ३ (क) बाट निर्वाचित जवाहरलाल कुशवाहा माओवादी केन्द्रमा प्रवेश गरेसँगै प्रदेशसभामा एक सिट थपिएको हो । उनी स्वतन्त्र उम्मेदवारी दिएर विजयी भएका थिए ।

प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले बुधबार साँझ आफ्नो निजी निवास खुमलटारमा उनलाई टीका तथा खादा लगाएर पार्टी प्रवेश गराए ।

योसँगै मधेश प्रदेशसभामा माओवादी सांसदको संख्या ९ पुगेको छ ।