एजेन्सी । फिलिपिन्समा कोभिड १९ बाट शनिबार मात्र २६ जनाको ज्यान गएको स्वास्थ्य अधिकारीहरुले जानकारी दिएका छन् ।

दक्षिणपूर्व एसियाली देश फिलिपिन्समा कोभिडबाट एकै दिन अर्थात् शनिबार मात्र २६ जनाको ज्यान गएको स्वास्थ्य विभागले जानकारी दिएको हाे ।

सो विभागकाअनुसार शनिबार कोभिडबाट पाँच सय ९१ जना सङ्क्रमित भएका पनि बताइएको छ । योसमेत गरी कोभिड महामारी सुरु भएदेखि अहिलेसम्ममा ४० लाखभन्दा बढी नागरिक सङ्क्रमित भएका बताइएको छ ।

अहिले सक्रिय सङ्क्रमित १३ हजार मात्र भएपनि पछिल्लो समयमा कोभिडबाट हुने सङ्क्रमितको सङ्ख्या बढ्दै गएको देखिएको अधिकारीहरुले जनाएका छन् । प्राप्त समाचारअनुसार कोभिडका कारण ६५ हजार जनाभन्दा बढीको ज्यान गएको छ ।