काठमाडाैं । प्रधानमन्त्री पुष्पकमल दाहाल ‘प्रचण्ड’ आफूले लगाएकाे दौरा-सुरुवालको विरोधी नभएको प्रष्टिकरण दिएका छन् ।
मंगलबार प्रतिनिधिसभा बैठकमा सासंदहरुले उठाएको प्रश्नको जवाफ दिदै उनले दौरा-सुरुवालको कहिले विरोधी नभएको स्पष्ट पारेका हुन ।
‘मैले दौरा-सुरुवाल लगाएको विषयमा संसदभित्र पनि माननीय सदस्यहरुले प्रश्न उठाउनु भयो, बाहिर पनि खुब चर्चा भयो ।’ ‘विदेशी कूटनीतिक नियोगका साथीहरुले पनि तपाइले दौरा-सुरुवाल किन नलगाउनु भएको भनेर प्रश्न गर्नुभएको थियो ।’ संसदमा उनले भने,’म माननीय ज्युहरुलाई प्रष्ट पार्न चाहन्छु, म दौरा-सुरुवाल विरोधी कहिले थिएइन् र छैन् पनि दौरा सुरुवालको विषयमा धेरै विरोध र छलफल भए पनि पछिल्लो समय दौरा सुरुवाल सबैको साझा पोसाक बन्दै गएको मैले महसुस गरेको छु, यी सबै विषयलाई मूल्यांकन गर्दा मैले दाैरा – सुरुवाल लगाउने निर्णय गरे ।’
अहिलेसम्म राष्ट्रिय पोषाकमा नदेखिएका ‘प्रचण्ड’ पुस ११ गते प्रधानमन्त्रीको सपथ कार्यक्रममा दौरा-सुरुवालमा देखिएपछि उनको सबैले मजाक उडाएका थिए ।
