काठमाडाैं । स्याङ्जामा प्रभु एयरको हेलिकप्टरका पाइलटमाथि अभद्र व्यवहार गरेको आरोपमा ६ जनालाई प्रहरीले पक्राउ गरेको छ।

जिल्‍ला प्रहरी कार्यालय स्याङ्जाले चार जना यात्रु र २ जना कुटपिटमा संलग्नलाई पक्राउ गरेको हो ।

प्रहरीले हेलिकप्टरमा सवार विनोद गैह्रे, उज्जवल थापा, सुशिल गिरी र खिमबहादुर राना र कुटपिटमा संलग्न  यामबहादुर गुरूङ र सुरेश श्रेष्ठलाई पक्राउ जनाएको छ ।

माघ ५ गते दिउँसो साढे २ बजे वालिङ नगरपालिका-८ मालेबगर खेल मैदानमा प्रभु एयरको हेलिकप्टर अवतरण भएको थियो ।

खेल भइरहेको मैदानमा हेलिकप्टर अवतरण भएपछि त्यहाँ झडपसहित हातपात भएको थियो ।