काठमाडाैं । मेलम्ची खानेपानीका कर्मचारी ६ महिनादेखि तलब नपाएपछि रूष्ट देखिएका छन्  ।

आर्थिक वर्ष २०७९/८० को बजेट वक्तव्यमा मेलम्ची खानेपानी खारेज गर्न उल्लेख गरेको छ । तर खारेज गर्ने भनिएपनि प्रकृया अघि बढ्न सकेको छैन ।

खारेज प्रकृया अघि बढाउन प्रधानमन्त्रीसमक्ष कर्मचारीले माग राख्दा पनि समस्या समाधान नभएको त्यहाँको कर्मचारीको गुनासो छ । समिति भैतिक रूपमै सञ्चालन भइरँदा त्यहाँका कर्मचारीले तलब नपाएका हुन् ।

लामो समयसम्म तलब नपाएपछि त्यहाँका कर्मचारीले पानी पठाउन रोक्ने दवाव दिन थालेका छन्  । समितिका कार्यकारी निर्देशक कमल राज श्रेष्ठका अनुसार ६ महिनामा कर्मचारीले पाउन बाँकी तलब २ करोडभन्दा बढी नाघिसकेको छ ।