काठमाडौं । दुई दिनका लागि नेपाल भ्रमणमा आएकी अमेरिकी विकास सहयोग नियोग ‘यूएसएआईडी’ प्रमुख समान्था पावर नेपाल आएपछि भक्तपुरस्थित आदर्श माध्यामिक विद्यालयका विद्यार्थीहरूसँग बास्केटबल खेलेकी छन् ।

पावरले आदर्श विद्यालयका छात्रा टोलीसँग बास्केटबल खेलेसँगै विद्यार्थीहरूबाट उनीहरूको भविष्यका योजना र लक्ष्यहरूबारे पनि चासो व्यक्त गरिन् ।

२०७२ सालको भूकम्पमा क्षतिग्रस्त भएको उक्त विद्यालय पुनर्निर्माण गर्न र त्यहाँ पढ्न सक्ने विद्यार्थीहरूको सङ्ख्या दोब्बर बनाउन युएसएआइडीले स्थानीय समुदायसँग साझेदारी गरेको थियो ।