एजेन्सी । बलिउड अभिनेत्री तथा माेडल राखी सावन्तका पति आदिल खान दुर्रानीलाई ओशिवारा प्रहरीले पक्राउ गरेको छ । सोमबार राति राखीले आदिलविरुद्ध विवाहइतर सम्बन्ध र ठगीको आरोप लगाउँदै एफआइआर दर्ता गरेपछि आज आदिललाई राखीको घरबाट पक्राउ गरिएको हो ।

राखीले आदिलमाथि गम्भीर आरोप लगाएकी छिन् ।

आदिलले विवाहको नाममा आफूबाट सबै गहना र पैसा लिएको पनि राखीले प्रहरीलाई बताएकी छन् । प्रहरीमा एफआइआर दर्ता गर्नुअघि राखीले आदिलको बारेमा मिडियासँग कुरा गर्दै आदिलले आफूबाट आफ्नै घरको साँचो खोसेको र फिर्ता गर्न नमानेको बताइन् ।

आदिलले आफूलाई बलिउडमा नाम कमाउने प्रयोग गरेको र लामो समयदेखि यातना दिएको उनले प्रहरीलाई बाताएकी छिन् । उनका अनुसार अहिले आदिल राखीसँग अलग भए प्रेमिका तनुसँग बसिरहेका छन् ।

आदिलसँग विवाहपछि राखीले इस्लाम धर्म स्वीकार गर्ने कुरा गरेकी थिइन् ।

राखी र आदिलको गत वर्ष अदालती विवाह भएको थियो ।

२७ वर्षका आदिल कर्नाटकका हुन् । उनको कार व्यवसाय छ । मिडिया रिपोर्टका अनुसार आदिल र राखी मार्च २०२२ देखि एक अर्कालाई डेट गरिरहेका थिए। उनले राखीसँगै मुम्बईमा डान्स एकेडेमी पनि खोलेका छन् ।

राखीले लगाएको विवाहइतर सम्बन्धको आरोपमा आदिलले भनेका थिए, ‘राखी जे पनि गर्न सक्छिन्, उनी शक्तिशाली छिन् ।’

The post विवाहको नाममा पैसा र गहना लिएको भन्दै श्रीमानविरूद्ध राखीले दिइन् उजुरी appeared first on NepalWatch.