काठमाडौ । देशभर पछिल्लो २४ घण्टामा थप ४३८ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयले दिएको अपडेट अनुसार ३६९९ जनामा परीक्षण गर्दा ४३८ जनालाई कोरोना संक्रमण पुष्टि भएको हो ।
१७७९ नमुनाको पीसीआर परीक्षण गर्दा २९२ जनामा र १९२० नमुनाको एन्टिजेन परीक्षण गर्दा १४६ जनामा कोरोना संक्रमण पुष्टि भएको मन्त्रालयले जानकारी दिएको छ ।
त्यसैगरी पछिल्लो २४ घण्टामा २७७ जना संक्रमित ठिक भएका छन् ।
त्यस्तै काठमाडौँ उपत्यकामा २११ जनालाई संक्रमण भएको छ । जसमा काठमाडौँ जिल्लामा १५५, ललितपुरमा ४४ र भक्तपुरमा १२ जनालाई कोरोना संक्रमण भएको स्वास्थ्य मन्त्रालयले जानकारी दिएको छ ।
योसँगै सक्रिय संक्रमितको संख्या ४ हजार ३६९ पुगेको छ । पछिल्लो २४ घण्टामा २ जनाको मृत्यु भएको छ ।
