काठमाडौँ । प्रि-सिजन अन्तर्गतको मैत्रीपूर्ण खेलमा एटलेटिको म्याड्रिडले म्यानचेस्टर युनाइटेडलाई पराजित गरेको छ ।
शनिबार नर्वेको ओस्लोस्थित उल्लेभाल स्टेडियममा सम्पन्न खेलमा एटलेटिको म्याड्रिडले म्यानचेस्टर युनाइटेडलाई १-० गोल अन्तरले पराजित गरेको हो ।
एटलेटिकोको जितमा खेलको ८६औँ मिनेटमा जोअओं फेलिक्सले खेलको एक मात्र गोल गरेका थिए ।
यस खेलमा युनाइटेडमा खेलाडी फ्रेडले खेलको ९१औ मिनेटमा रातो कार्ड समेत पाएका थिए ।
प्रि-सिजन खेल अन्तर्गत म्यानचेस्टर युनाइटेडले आइतबार स्पेनिस क्लब रायो भल्लेकानोविरुद्ध आफ्नै घरेलु मैदानमा खेल्ने तालिका रहेको छ । यस खेलमा प्रि-सिजन टूरमा टिम बाहिर रहेका क्रिस्टियानो रोनाल्डोले खेल्ने आफैले बताएका छन् । उनले सामाजिक सञ्जालमा एक पोष्टमा कमेन्ट गर्दै ‘आइतबार राजा खेल्छ’ भन्ने कमेन्ट गरेका छन् ।
