एशिया कप टी-२० को तालिका सार्बजनिक, भारत-पाकिस्तान अगस्त २८ मा भिड्दै

काठमाडौँ । एसिया कप २०२२ को खेल तालिका सार्वजनिक भएको छ । खेलको सबैभन्दा तुलो हाइलाइट भारत र पाकिस्तानबीचको खेल रहेको छ । भारत र पाकिस्तानबीच अगस्त २८ मा खेल हुने भएको छ । फाइनल खेल सेप्टेम्बर ११ मा हुनेछ ।

यस अघि भारत टी–२० विश्वकपमा पाकिस्तानसँग १० विकेटले पराजित भएको थियो । युएईमा हुने एसिया कप अगस्त २७ बाट सुरु हुनेछ । यस प्रतियोगितामा भारत डिफेन्डिङ च्याम्पियनको रुपमा प्रवेश गर्नेछ । यसअघि क्वालिफायरका खेलहरु खेलाइनेछन्  ।

अगस्ट २१ देखि छनोट हुने

एसिया कप छनोट प्रतियोगिता अगस्ट २१ बाट सुरु हुनेछ । जसमा युएई, हङकङ, कुवेत र सिंगापुर खेल्ने छन् । यी मध्ये एउटा टोलीले एशियाकपको मुख्य प्रतियोगिता खेल्ने छ  । भारत, पाकिस्तान, श्रीलंका, अफगानिस्तान र बंगलादेश यसअघि नै मुख्य ड्रमा परेका छन् । एसिया कपको अन्तिम खेल सन् २०१८ मा युएईमा भएको थियो ।