६८ चिनियाँ विमान, १३ युद्धपोतले मध्य रेखा पार गरे

काठमाडौँ । ताइवानको सेनाले शुक्रबार बेइजिङको सेनाले गरेको सैन्य अभ्यासको क्रममा ६८ चिनियाँ लडाकु विमान र १३ वटा युद्धपोतले ताइवान स्ट्रेटबाट जाने ‘मध्य रेखा’ पार गरेको जनाएको छ । 

‘जानाजानी स्ट्रेटको मध्य रेखा पार गरेको र ताइवान वरपरको समुद्री र हावामा उत्पीडन गरेकोमा कम्युनिस्ट सेनाको निन्दा गर्दछौं’, रक्षा मन्त्रालयले आफ्नो पछिल्लो विज्ञप्तिमा भनेको छ ।

अमेरिकी सभामुख न्यान्सी पेलोसीको ताइवान भ्रमणपछि चीनले आक्रामक रवैया देखाउदै ताइवानको सीमा वरिपरी सैन्य अभ्यास गरिरहेको छ । चीनले पेलोसीको ताइवान भ्रमणको कडा जवाफ दिने बताउदै अमेरिकासँगको जलवायु र सैन्य साझेदारी तोडेको छ ।