चीनले फेरी शुरु गर्यो ताइवान नजिकै सैन्य अभ्यास
काठमाडौँ । चीनको सेनाले ताइवान नजिकै आफ्नो सैन्य अभ्यास भइरहेको जनाएको छ । यसअघि अभ्यास आइतबार समाप्त हुने बताइएको थियो ।
चिनियाँ सेनाको पूर्वी थिएटर कमाण्डले पनडुब्बी आक्रमणबाट बच्ने र समुद्रमा आक्रमण गर्ने अभ्यास गर्ने बताएको छ ।
अमेरिकी सभामुख न्यान्सी पेलोसीको ताइवान भ्रमणको विरोधमा चीनले चार दिने सैन्य अभ्यास सुरु गरेको छ । ताइवानले सैन्य अभ्यासको बहानामा चीनले घुसपैठ गर्न खोजेको आरोप लगाएको छ ।
ताइवानले अभ्यासका क्रममा चिनियाँ लडाकु विमान धेरै पटक आफ्नो क्षेत्रमा प्रवेश गरेको दाबी गरेको छ ।
अमेरिका, अस्ट्रेलिया र जापानले सैन्य अभ्यासको आलोचना गरेका छन् । उनले चीनले ताइवानको यथास्थिति परिवर्तन गर्न चाहेको बताए ।
चीनले ताइवानलाई छुट्टै प्रान्त मान्छ र यो अन्ततः चिनियाँ नियन्त्रणमा आउने विश्वास गर्छ । चिनियाँ राष्ट्रपति सी जिनपिङले ताइवानको ‘एकीकरण’ पूरा हुने बताएका छन् । उनले यो हासिल गर्न बल प्रयोग गर्न पनि अस्वीकार गरेनन् ।
तर ताइवानले आफ्नो संविधान र आफ्नै निर्वाचित नेताहरूको सरकार भएको एक स्वतन्त्र देश मान्दछ ।
