बार्सिलोना बराबरीमा रोकियो

काठमाडौँ । स्पेनिस ला लिगा अन्तर्गत बार्सिलोनाले औसत शुरुवात गरेको छ । गएराती सम्पन्न लिगको पहिलो खेलमा बार्सिलोना रायो भल्लेकानोसँग गोलरहित बराबरी खेल्दै नयाँ सिजनको औसत शुरुवात गरेको हो ।

खेलको निर्धारित ९० मिनेटमा दुवै टिमबाट कुनै गोल नभएपछि खेल बराबरीमा सकिएको हो ।

यस खेलमा खेलको ९० मिनेटपछिको अतिरिक्त समयमा बार्सिलोनाका सर्जियो बस्क्वेटसले रातो कार्ड पाएका थिए । 

यस खेलमा बार्सिलोनाका लागि रोबेर्ट लेवानडोस्की, राफिन्हासहित चार खेलाडीले ला लिगा डेभ्यु गरेका थिए ।

यो बराबरीपछि बार्सिलोना र रायो भल्लेकानोले एक एक अंक बाडेका छन् । बार्सिलोनाले ला लिगामा अब अर्को खेल अगस्त २२ मा रियल सोसिएडाडसँग खेल्ने छ ।