बर्दिबासमा बेदा रिटेल कम्पनीको स्थापना
महोत्तरी । महोत्तरीको बर्दिबासमा श्री बेदा रिटेल प्रालीको शाखा विस्तार भएको छ । बहुप्रतिष्ठित अन्तर्राष्ट्रिय नेटवर्किङ कम्पनी बेदा रिटेलको नेपालस्थित आधिकारिक कार्यालय बर्दिबासमा स्थापना भएको हो ।
शनिवार नगरप्रमुख प्रह्लाद क्षेत्रीले उक्त कम्पनीको औपचारिक उद्घाटन गर्दै बेदा कम्पनीको सफलताको शुभकामना दिए ।
नेपालको आधिकारिक बिक्रेताको रूपमा भने प्रमेश्वर महतो, रवीन्द्र महतो र दिनेश महतोले जिम्मेवारी पाएका छन् ।
कम्पनीको माध्यमबाट नेपालमा धेरै युवाको बेरोजगारको पीडालाई विस्थापन गर्ने कम्पनीको स्वामित्व लिएका तीनै जना महतोको प्रतिबद्धता छ ।
कम्पनीले आफ्नै ब्राण्डमा ७६ भन्दा बढी स्वास्थ्य र सौन्दर्यसँग जोडिएका वस्तु उत्पादन गर्दै आएको छ ।
पूर्णरुपमा आयुर्वेदिक उत्पादन गर्दै आएको कम्पनीका उत्पादन नेपाल र भारतका बजारमा निक्कै विश्वसनीय बन्दै गएका छन् ।
