बुर्किना फासोमा सेनाद्वारा ४० सर्वसाधारणको हत्या- अधिकारवादी समूह

काठमाडौं । बुर्किना फासोका अधिकारवादीले सेनाले देशको उत्तरमा ४० भन्दा बढी सर्वसाधारणको  हत्या गरेको आरोप लगाएका छन् । द कलेक्टिभ अगेन्स्ट इम्युनिटी एन्ड स्टिग्मेटाइजेसन अफ कम्युनिटीजले अपहरणका धेरै घटनाहरू पछ्याएको सारांशमा मृत्युदण्ड दिइएको जनाएको छ । 

टाफोगो र बोरुम बीचको सडकमा हात बाँधिएको अवस्थामा मृतकको शव फेला परेको बताइएको छ । अर्को अधिकारवादी समूह अब्जर्भेटरी अफ ह्युमन डिग्निटीले अधिकांश पीडित अर्धघुमन्ते फुलानी समुदायको रहेकाे जनाएको छ । अधिकार दुरुपयोग गरेको भन्ने आरोपलाई बुर्किना फासोको सेनाले अस्वीकार गरेको छ । 

घटना यस महिनाको सुरुमा टुगौरीको टाफोगो गाउँमा भएको हो । अलकायदा लडाकु वा इस्लामिक स्टेट समूहसँग बुर्किना फासोको सेनाले युद्ध गरिरहेको छ । सशस्त्र समूहको हमलामा दुई हजार जनाको मृत्यु हुनुका साथै १.९ मिलियन मानिस आफ्नो घर छाड्न बाध्य छन् ।