कार्यदलको सत्ता गठबन्धनका शिर्ष नेताहरुलाई ब्रिफिङ

काठमाडौं । सत्ता गठबन्धनको कार्यदलले शीर्ष नेताहरुलाई अहिलेसम्म गरेका कामको बारेमा ब्रिफिङ गरेको छ ।

शुक्रबार प्रधानमन्त्री निवासमा बालुवाटारमा बसेको बैठकमा कार्यदलले गठबन्धनका शीर्ष नेताहरुलाई अहिलेसम्म भएका कार्य सम्पादनको बारेमा ब्रिफिङ गरेको बोल्दै सञ्चारमन्त्री तथा कार्यदलका सदस्य ज्ञानेन्द्रबहादुर कार्कीले जानकारी दिएका छन् ।

बैठकमा शिर्ष नेताहरुले कार्यदललाई साझा अवधारणा बनाउन निर्देशन दिएको मन्त्री कार्कीले बताए । उनले भने- ‘साझा अवधारणा बनाउने जिम्मेवारी पनि कार्यदललाई नेताहरूले दिनुभएको छ, हामी चाँडै निष्कर्षमा पुर्‍याउने बाटोमा छौं ।’

मन्त्री कार्कीले प्रतिनिधिसभा र प्रदेशसभाको एकै पटक सहमति गर्ने गरि छलफल भइरहेको बताए ।