जिम्बाबेविरुद्ध भारतको लगातार दोस्रो जित

काठमाडौँ । जिम्बाबे टूरमा रहेको भारतीय क्रिकेट टिमले एकदिवसीय सिरिज अन्तर्गत लगातार दोस्रो जित हासिल गरेको छ ।

शनिबार सम्पन्न दोस्रो खेलमा भारत ५ विकेटले विजयी भएको हो । जिम्बाबेले दिएको १६२ रनको लक्ष्य पछाएको भारतीय टिमले २५.४ ओभरमा ५ विकेट गुमाउदै लक्ष्य पुरा गरेको थियो ।

यस अघि टस हारेर पहिला ब्याटिंग गरेको जिम्बाबेको टिमले ३८.१ ओभरमा अल आउट हुदै १६१ रन मात्र बनएको थियो ।

यो जितपछि भारतले ३ खेलको सिरिज २-० ले जितेको छ । अब सिरिजको अन्तिम खेल सोमबार हुने तालिका रहेको छ ।