न्यूक्यासलसँग हारबाट जोगियो म्यानचेस्टर सिटी

काठमाडौँ ।  इङलिश प्रिमियर लिग अन्तर्गत म्यानचेस्टर सिटी न्यूक्यासल युनाइटेडसँग हारबाट जोगिएको छ ।

आइतबार सम्पन्न खेलमा म्यानचेस्टर सिटी न्यूक्यासल युनाइटेडसँग ३-३ गोलको बराबरी खेलेको हो । ३-१ गोलले पछि परेको म्यानचेस्टर सिटीले कम ब्याक गर्दै २ गोल थपेर हारबाट जोगिएको थियो । 

न्यूक्यासलका लागि मिग्युएल अल्मिरोन, कलुम विल्सन र किएरन ट्रीपियरले एक एक गोल गरेका थिए । 

त्यस्तै म्यानचेस्टर सिटीका लागि इके गुनडोगन, एर्लिंग हालाण्ड र बेर्नार्डो सिल्भाले एक एक गोल गरेका थिए । 

यो बराबरीपछि म्यानचेस्टर सिटीको ३ खेलमा ७ अंक भएको छ भने न्यूक्यासलको ३ खेलमा ५ अंक भएको छ ।