भिल्लारियलसँग एटलेटिको म्याड्रिड स्तब्ध

काठमाडौँ । स्पेनिस ला लिगा अन्तर्गत भिल्लारियलले एटलेटिको म्याड्रिडलाई पराजित गरेको छ ।

गएराती सम्पन्न खेलमा भिल्लारियलले एटलेटिको म्याड्रिडलाई २-० गोल अन्तरले पराजित गरेको हो । भिल्लारियलको जितमा येरेमी पिनो र जेरार्ड मोरेनोले एक एक गोल गरेका थिए ।

यस खेलमा खेलको ९४औं मिनेटमा एटलेटिकोका नहुएल मोलिहाले रातो कार्ड पाएका थिए ।

भिल्लारियलको यस सिजनमा यो लगातार दोस्रो जित हो । यो जितपछि भिल्लारियलको २ खेलमा ६ अंक रहेको छ । त्यस्तै एटलेटिको म्याड्रिडको भने २ खेलमा एक जित र एक हारसहित ३ अंक रहेको छ ।