मोरिन्हो प्रेरित रोमाको लगातार दोस्रो जित, युभेन्टस बराबरीमा रोकियो

काठमाडौँ । इटालियन सिरी ए अन्तर्गत एएस रोमाले क्रेमोनेसेमाथि जित हासिल गरेको छ । गएराती सम्पन्न खेलमा रोमाले क्रेमोनेसेमाथि १-० गोल अन्तरले जित हासिल गरेको हो ।

रोमाको जितमा खेलको ६५औँ मिनेटमा क्रिस स्मालिंगले गरेको गोल नै खेलको निर्णायक गोल बनेको थियो ।

यो जितसँगै जोसे मोरिन्हो प्रशिक्षक रहेको रोमाले यस सिजनमा राम्रो शुरुवात गर्दै लगातार दोस्रो जित हासिल गरेको छ । २ खेलमा ६ अंक हासिल गरेको रोमा अंक तालिकामा तेस्रो स्थानमा रहेको छ ।

यसैबीच गएराती नै सम्पन्न अर्को खेलमा युभेन्टस साम्पोडोरियासँग गोलरहित बराबरी खेलेको छ । यो बराबरीपछि दुवैले एक एक अंक बाडेका छन् । यो खेलपछि युभेन्टसको २ खेलमा ४ अंक भएको छ ।