१० खेलाडीमा सिमित चेल्सीलाई स्टरलिङले जिताए

काठमाडौँ । इङलिश प्रिमियर लिग अन्तर्गत चेल्सीले लेस्टर सिटीमाथि जित हासिल गरेको छ ।

शनिबार सम्पन्न खेलमा चेल्सीले लेस्टर सिटीलाई २-१ गोल अन्तरले पराजित गरेको हो ।

खेलको २८औं मिनेटमा कोनोर गल्लाघेरले रातो कार्ड पाएपछि १० खेलाडीमा सिमित भएको चेल्सीको जितमा रहीम स्टरलिङले दुवै गोल गरेका हुन् । त्यस्तै लेस्टर सिटीका लागि एक गोल हार्भे बार्नेजले गरेका थिए ।

यो जितपछि चेल्सीको ४ खेलमा ७ अंक भएको छ । लेस्टर सिटीको भने यो यस सिजनका ४ खेलमा तेस्रो हार हो ।