प्रधानमन्त्री देउवाद्वारा विश्वकप क्रिकेटको ट्रफी अवलोकन

काठमाडौं । आईसीसी टी–२० विश्वकप क्रिकेटको ट्रफीलाई प्रधानमन्त्री निवास बालुवाटार लगिएको छ । विश्व टुरका क्रममा नेपाल ल्याइएको ट्रफीलाई बालुवाटारमा प्रधानमन्त्री शेरबहादुर देउवाले अवलोकन गरेका हुन् ।

विश्वकप ट्रफीको अवलोकनको क्रममा राष्ट्रिय टिमका पूर्वकप्तान विनोद दास, महिला क्रिकेट टिमकी कप्तान रुबिना क्षेत्री, क्रिकेटर शरद भेस्वाकर, नेपाल क्रिकेट संघ क्यानका अध्यक्ष चतुरबहादुर चन्दसहितका पदाधिकारी, ट्रफी टुरमा आएका अन्तर्राष्ट्रिय क्रिकेट परिषद आईसीसीका प्रतिनिधि उपस्थित थिए ।

मंगलबार नेपाल ल्याएको ट्रफीलाई आजै भक्तपुरमा सार्वजनिक गरिएको थियो ।