प्रधानमन्त्री देउवासँग भारतीय स्थल सेनाध्याक्ष पाण्डेको शिष्टाचार भेट

काठमाडौं । भारतीय स्थल सेनाध्याक्ष जनरल मनोज पाण्डेले आज प्रधानमन्त्री शेरबहादुर देउवासँग शिष्टाचार भेट गरेका छन् ।

भेटवार्तामा भारतीय स्थल सेनाध्याक्ष जनरल पाण्डेसहित नेपालका लागि भारतीय राजदुत नविन श्रीवास्तवको समेत उपस्थिति थियो । 

पाँच दिने भ्रमणका क्रममा पाण्डेले त्यसअघि आज बिहान माउन्टेन फ्लाइट गरेका थिए भने आजै उनले शिवपुरीस्थित नेपाली सेनाको कमाण्ड तथा स्टाफ कलेजको भ्रमण गरेका थिए ।

जनरल पाण्डेको आजै साँझ उनी  पशुपतिनाथको दर्शनमा जाने कार्यक्रम छ ।

पाण्डेलाई सोमबार राष्ट्रपति विद्यादेवी भण्डारीले नेपाली सेनाको मानार्थ महारथी दर्जा प्रदान गरेकी थिइन् ।