कमल थापाको रिट सर्वोच्चद्वारा खारेज, गाई चुनाव चिह्न नपाउने

काठमाडौं । सर्वोच्च अदालतले गाई चुनाव चिह्न कायम गर्न माग गर्दै राप्रपा नेपालका अध्यक्ष कमल थापाले दायर गरेको रिट खारेज गरिदिएको छ । सर्वोच्चका न्यायाधीशद्वय कुमार रेग्मी र तीलप्रसाद श्रेष्ठको संयुक्त इजलासले कमल थापाले दायर गरेको रिट मंगलबार खारेज गरेको हो । 

यस अघि सर्वोच्चले निर्वाचन आयोगको निर्णय तत्काल कार्यान्वयन नगर्न अल्पकालीन आदेश जारी गरेको थियो । रिट खारेज भएसँगै अब राप्रपा नेपालले गाई चुनाव चिह्न नपाउने निश्चित भएको छ ।

निर्वाचन आयोगले राप्रपा नेपाललाई यसअघि नै तीर चुनाव चिह्न प्रदान गरेको छ ।