काठमाडौं । नेपालमा पछिल्लो २४ घण्टामा थप ३८ जनामा कोरोना भाइरस संक्रमण पुष्टि भएको छ । पछिल्लो २४ घण्टामा देशभरबाट २,८१८ नमूना परीक्षण गर्दा ३८ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार पीसीआर विधिबाट १,२८४ र एन्टिजेनबाट १,५३४ नमूनाको परीक्षण गर्दा पीसीआरबाट ३१ र एन्टिजेनबाट ७ नमूनाको रिपोर्ट पोजिटिभ आएको हो । थप ५२ जना कोरोनामुक्त भएका छन् । कोरोनाबाट थप एक जनाको मृत्यु भएको छ । हाल सक्रिय कोरोना संक्रमितको संख्या १,१२२ पुगेको छ ।