काठमाडौं । यस वर्षको नोबेल शान्ति पुरस्कार एक व्यक्ति र दुई संस्थालाई प्रदान गरिएको छ । बेलारुसका मानवअधिकार अधिवक्ता एलेस बिलिआत्स्के अवार्डका लागि छनोट भएका छन् । नर्वेको राजधानी ओस्लोमा अवार्डको घोषणा गरिएको हो ।
एलेसको अतिरिक्त यो पुरस्कार रुसी मानव अधिकार संगठन मेमोरियल र नागरिक स्वतन्त्रताको लागि युक्रेनी मानव अधिकार संगठन केन्द्रलाई पनि दिइएको छ। यी दुवै संस्था मानव अधिकारका लागि काम गर्छन् । एलेसले सन् १९८० मा बेलारुसको तानाशाही विरुद्ध लोकतन्त्र आन्दोलन सुरु गरेका थिए । आजसम्म उनी आफ्नै देशमा साँचो लोकतन्त्रको पुनर्स्थापनाको लडाइँ लडिरहेका छन् ।
बेलारुसका राष्ट्रपति लुकासेन्को रुस–युक्रेन युद्धमा भ्लादिमिर पुटिनको साथमा छन् । एलेसले भिसाना नामक संस्था बनाए । यस संस्थाले जेलमा रहेका लोकतन्त्रका समर्थकहरूलाई कानुनी सहायता उपलब्ध गराउँछ । उनी सन् २०११ देखि २०१४ सम्म जेलमा रहे । उनी २०२० मा फेरि पक्राउ परे र अझै जेलमा छन् ।
