काठमाडौं । मंगलबार (१५ कात्तिक) साँझ व्यवसायी उद्धव पौडेलले सामाजिक सञ्जालमार्फत एक अनुभव शेयर गरे । काठमाडौंबाट बुद्ध एयरबाट विराटनगर जाँदै गर्दाको तस्बिरसहित पौडेलले सामाजिक सञ्जालमा ‘रोमाञ्चक अनुभव’ भन्दै लेखेका थिए ।

उक्त फोटोसहितको पोस्टबारे अहिले सामाजिक सञ्जालमा चर्चा भइरहेको छ । व्यवसायी तथा राष्ट्रिय प्रजातन्त्र पार्टीका नेता पौडेल ७२ सिटको जहाजमा एक्लै यात्रा गरेका हुन् । कहिलेकाहीँ यात्रुले चाहेर पनि टिकट खरिद गर्न नपाउँदैनन् । तर, मंगलबार बुद्ध एयरले एक जना मात्र यात्रु बोकेर विराटनगर पुगेपछि यसको चर्चा भएको हो ।

पौडेलले सामाजिक सञ्जालमार्फत भनेका छन्, ‘आज मिति २०७९-०७-१५ काठमाडौंबाट बिराटनगर सम्मको बेलुकी ८ बजेको बुद्ध एयरको उडान मा म एकल यात्रु । रोमाञ्चक अनुभव’