काठमाडौं । सरकारी तथा निजी कार्यालयहरुलाई आफ्नो फोहोर आफैँ व्यवस्थापन गर्न काठमाडौं महानगरपालिकाले निर्देशन दिएको छ ।

बुधबार एक सुचना जारी गर्दै महानगरपालिकाले महानगर भित्रका सरकारी तथा निजी कार्यालयले आ-आफ्नो कार्यालय र परिसरमा उत्पादन हुने फोहोर आफैँ व्यवस्थापन गर्न निर्देशन जारी गरेको हो ।

महानगरद्धारा जारी सुचनामा सबैखाले कार्यालयले उत्पादन गर्ने फोहोर जथाभावी नफाल्न महानगरले आग्रह गरेको छ । महानगरको उक्त सुचना ३५ दिन पछि कार्यान्वयनमा आउनेछ ।

फोहोरमैला व्यवस्थापन ऐन ०६८ तथा नियमावली २०७० को कानुनी व्यवस्थाबमोजिम सबै प्रकारका सरकारी तथा निजी कार्यालयले आ-आफ्नो परिसरको फोहोरमैला आफैँ व्यवस्थापन गरी सहरलाई सफासुग्घर राख्न सहयोग गर्न भनेको छ ।