काठमाडाैं । लुम्बिनी प्रदेशले आफ्नो प्रदेशको राजधानीमा काम गर्न आउने कर्मचारीलाई आवास सुविधा उपलब्ध गराउने निर्णय गरेको छ । लुम्बिनी प्रदेशको राजधानी दाङको देउखुरीमा बसेको पहिलो मन्त्रिपरिषद्को बैठकले यस्तो निर्णय गरेको हो ।

स्थायी राजधानी दाङमा काम गर्न आउने कर्मचारीहरुलाई सहजताका लागि वर्ग विभाजन गरेर आवास सुविधा दिन लागेको हो ।

प्रदेश सरकारका प्रवक्ता तीलकराम शर्माका अनुसार कर्मचारीको श्रेणी हेरेर ३ हजार देखी ६ हजार रुपैँया सम्मको आवास सुविधा दिइनेछ । यस्तो सुविधा प्रदेशका १३ मन्त्रालय र प्रदेश योजना आयोगका समेत गरी ३सय ३७ कर्मचारीले पाउनेछन् ।