काठमाडाैं । नयाँ सरकारले जनतामा आशा पलाएकाे प्रधानमन्त्री पुष्पकमल दाहाल ‘प्रचण्ड’ले दावी गरेका छन् ।

प्रधानमन्त्री पदको कार्यभार सम्हालेर बाहिर निस्कदैँ गर्दा संचारकर्मीसँग कुराकानी गर्दै प्रधानमन्त्री दाहालले भने ‘केही गर्न खोज्नेहरुको समिकरण बनेको छ, यसले जनतामा आशा बढाएको छ । हाम्रा अगाडी जटिलताहरुको पहाड भएपनि मलाई सहज लागेको छ ।’

मन्त्रीपरिषद्को पहिलो बैठकमा अर्थतन्त्रमा देखिएका जटिलतालाई सुधार गर्ने, सुशासन र जनताको सेवा प्रवाहमा केन्द्रित हुने बारे छलफल भएको थियो ।

राहदानी, लाइसेन्स सेवा प्रवाह गर्ने कार्यालयमा सेवाग्राहीको लामो लाईनको समस्या रहेको भन्दै त्यसको समाधान सरकारको प्रमुख काम भएको बताएका छन् ।