काठमाडौं । राष्ट्रिय प्रजातन्त्र पार्टीको केन्द्रीय समिति बैठक आज बस्दै छ । प्रचण्ड नेतृत्वमा सरकार गठन गर्न पार्टीले सहमति दिएपछि उत्पन्न नयाँ परिस्थितिमाझ  बैठक डाकिएको हो ।

राप्रपा प्रवक्ता एवं प्रचार विभाग प्रमुख मोहनकुमार श्रेष्ठले अपराह्न १२ः३० बजे पार्टी कार्यालय धुम्बाराहीमा बैठक बस्न लागेको जानकारी दिए ।

आजको बैठकले सरकारलाई समर्थन गरिसकेपछिको परिवर्तित सन्दर्भमा आगामी रणनीति तय गर्ने उनले जानकारी दिए ।

प्रचण्ड नेतृत्वमा सरकार बनाउन राप्रपाले सहयोग गरे पनि उसले तत्काल सरकारमा नजाने निर्णय गरेको छ । उसले सरकारलाई समर्थन कायम राख्न पनि केही सर्त तेर्साएको छ ।