काठमाडौं । सामाजिक सञ्जाल ट्विटर डाउन भएको छ । बिहीबार बिहानैदेखि ट्विटर अवरुद्ध हुन पुगेको हो ।

बिहानैदेखि प्रयोगकर्ताहरूलाई लग इन गर्न समस्या भइरहेको छ।

ट्विटर डाउन हुँदा ट्विटर सूचनाहरूले पनि काम नगरेको प्रयोगकर्ताले गुनासो गरेका छन्। ट्विटरमा आएको यो समस्याबारे अहिलेसम्म आधिकारिक रूपमा केही बताइएको छैन ।

सामाजिक सञ्जाल ट्विटर केही समयअघि विश्वकै धनाढ्य एलन मस्कले खरिद गरेका थिए । ट्विटर स्वामित्वमा लिएलगत्तै उनले यसका नीतिहरू परिवर्तन गरिरहेका छन् । उनले सुरुमै ठूलो मात्रामा कर्मचारी कटौती गरेका थिए । मस्कको हातमा ट्विटर आएपछि यति ठूलो समस्या आएको भने पहिलो पटक हो ।