काठमाडौं । काठमाडौं महानगरपालिकाले गृह मन्त्रालयलाई थापाथलीस्थित बाग्मती नदी किनारमा रहेका अनाधिकृत संरचना हटाउनका लागि आवश्यक निर्देशन तथा समन्वय गर्न आग्रह गरेको छ ।
महानगरले बुधबार एक पत्र जारी गर्दै समन्वयका लागि अनुरोध गरेको हो । महानगरका प्रमुख प्रशासकीय अधिकृत वसन्त अधिकारीले थापाथलीस्थित बाग्मती नदी किनारमा अनाधिकृत रुपमा निर्माण भएका संरचनाहरु हटाउने कार्य अभियानकै रुपमा अगाडि बढाउनु पर्ने देखिएको पत्रमा उल्लेख गरेका छन् ।
‘थापाथलीस्थित बाग्मती नदी किनारमा अनाधिकृत रुपमा निर्माण भएका संरचनाहरु हटाउन पटक पटक प्रयास भएको व्यहोरा विदितै छ । महानगर क्षेत्र भित्रका विभिन्न स्थानमा सार्वजनिक क्षेत्र अतिक्रमण गरी निर्माण भएका अनाधिकत संरचनाहरु हटाउने कार्य अभियानकै रुपमा अगाडि बढाउनु पर्ने देखिन्छ । जसका लागि तहाँमार्फत सम्बन्धित जिल्ला प्रशासन तथा सुरक्षा निकायलाई आवश्यक निर्देशन एवं समन्वय हुन अनुरोध गरिन्छ ।’ जारी पत्रमा लेखिएको छ ।
हेराैं सूचना :
