काठमाडौं । प्रधानमन्त्री पुष्पकमल दाहालले सबै सचिवहरूलाई छलफलका लागि डाकेका छन् । तेस्रो पटक प्रधानमन्त्रीको जिम्मेवारीमा फर्किएका प्रचण्डले कार्यकाल सम्हालेपछि पहिलो पटक सबै मन्त्रालयका सचिवहरूसँग छलफल गर्न लागेका हुन् ।

अहिले बिहान ११ बजे सिंहदरबारमा सबै मन्त्रालयका सचिवहरूको बैठक तय गरिएको प्रधानमन्त्रीको सचिवालयले जनाएको छ ।

बैठकमा प्रधानमन्त्रीले मन्त्रालयहरूको अवस्थाबारे जानकारी लिने एजेण्डा छ । साथै आफ्नो मन्त्रालयको काम प्रभावकारी ढंगले गर्न पनि प्रधानमन्त्रीले निर्देशन दिनेछन् ।