काठमाडौं । नेपालका लागि चीनका नवनियुक्त राजदूत आज काठमाडौं आइपुग्ने भएका छन् ।

नवनियुक्त राजदूत छन् सोङ एयर चाइनाको नियमित उडानबाट आइतबार काठमाडौं ओर्लन लागेका हुन् ।

उनी अहिले बिहान साढे ११ बजे त्रिभुवन विमानस्थलमा अवतरण गर्ने बताइएको छ ।

छन् यसअघि पुस १२ मा नै काठमाडौं आउने कार्यक्रम थियो । तर एकाएक सत्तासमीकरण फेरिएपछि उनी आज नेपाल आउन लागेका हुन् ।

नयाँ राजदूत आउने भएपछि चिनियाँ दूतावासका झण्डै आधा दर्जन कर्मचारी उनको स्वागतका लागि विमानस्थल पुगेका छन् । राजदूतको स्वागतका लागि विमानस्थल पुग्नेहरूमा कार्यवाहक राजदूत वाङ सिन,कमर्सियल हेर्ने सि यु,डिफेन्स एट्याची कर्णेल लिउ कोचङ,पोलिटिकल सेक्रेटरी यु पङचङ,प्रथम सचिव चाङ ख, नेपाली बोल्ने लिउ बोवेन र तृतीय सचिव लिउ चेलगायत छन् ।