काठमाडौं (एजेन्सी) । पान मसला उद्योगका लिफ्ट खस्दा भारतमा तीन जनाको मृत्यु भएको छ भने अर्का एक जना घाइते छन् ।
दिल्लीको नरैना औद्योगिक क्षेत्रमा आइतबार राति एउटा पान मसाला कारखानाको लिफ्ट भत्किँदा तीन मजदुरको मृत्यु र एक घाइते भएका हुन् ।
घाइते कर्मचारीर्लाई उद्धार गरेर बीएलके अस्पताल कारोबागमा लगिएको छ । लिफ्टमा अन्य चार जना फसेकोमा उनीहरूलाई पनि उद्धार गरिएको छ ।
नारायण औद्योगिक क्षेत्रको ‘ए’ ब्लकमा रहेको कारखानाको लिफ्ट फुटेको हो । यसबारे जानकारी पाएलगत्तै प्रहरी, दमकल र विपद् व्यवस्थापन टोली घटनास्थलमा पुगेर राहत कार्य सुरु गरेको थियो ।
प्रहरीले लापरवाहीका कारण मानिसको ज्यान गएको ठहर गर्दै अनुसन्धान थालेको छ । आपका नेता दुर्गेश पाठकले घटनामा संलग्नलाई कडा कारबाही गरिने बताए ।
पान मसाला बन्ने गरेको यो कारखानामा दुईवटा लिफ्ट छन्। एउटा लिफ्ट सामान बोक्न र अर्को कर्मचारी बोक्न प्रयोग हुँदै आएको थियो । कर्मचारी बोक्ने लिफ्टबाट सामान लैजाँदा घटना हुन पुगेको अनुमान गरिएको छ ।
