काठमाडौं । चर्चित दक्षिण कोरियाली अभिनेता किम ब्युङ-म्यान नेपाल भ्रमणमा आइपुगेका छन् । उनी कोरियाली कलाकारको टोलीसहित काठमाडौं आइपुगेका हुन् ।

उनले पर्यटकीय नगरी पोखरा र अन्नपूर्ण क्षेत्रमा भ्रमण गर्ने पर्यटन बोर्डले जनाएको छ ।

बोर्डका अनुसार उनको भ्रमणको उद्देश्य दक्षिण कोरियाली पर्यटकलाई नेपाल भ्रमणमा आकर्षित गर्नु रहेको छ । उनी पोखरामा गुरूङ समुदायको भेषमूषामा सजिएको तस्विरसमेत सार्वजनिक भएको छ ।

अभिनेता किम नेपाल पर्यटन बोर्डका सद्भावना दूत समेत रहेका छन् । उनी कोरियाली फिल्म र टेलिभिजन सिरिजमा हास्य कलाकारको रुपमा समेत चर्चित छन् । साथै दक्षिण कोरियाली टीभी सिरिज ‘ग्याग कन्सर्ट’मा उनले गरेको अभिनय स्ल्यापस्टिक, एक्रोबेटिक स्टन्टको रुपमा चर्चित छ ।