काठमाडौं । युरोपेली महारथि क्लब बार्सिलोना र लिभरपुलका फरवार्ड लुइस स्वरेज पूर्व क्लब नासियोनल फर्किने भएका छन् ।
३५ वर्षीय उरुग्वेका स्ट्राइकर लुईस स्वरेज गत सिजन एट्लेटिको मड्रिडसँगको सम्झौता सकिएपछि क्लविहीन छन् ।
स्वरेजको अनुबन्धमा रिभर प्लेट र बोरुसिया डर्टमन्ड पनि देखिएका थिए । तर, स्वरेजले भने आफ्नो पूर्वक्लब नासियोनलमा फर्किने निर्णय गरेका हुन् ।
उनले सन् २००५ मा नासियोनलबाट व्यावसायिक फुटबल यात्रा सुरु गरेका थिए । उनले एट्लेटिकोबाट दुई सिजनमा ६७ लिग खेल खेल्दै ३२ गोल गरेका छन् ।
त्यसअघि उनी बार्सिलोना र लिभरपुलमा आवद्ध थिए ।
Comments
Related News
