विश्वप्रकाश झापा-१ बाटै चुनाव लड्ने

काठमाडौँ । नेपाली काँग्रेसका महामन्त्री विश्वप्रकाश शर्माले झापाबाट नै चुनाव लड्ने स्पष्ट गरेका छन् । पछिल्ला केहि दिनमा शर्मा काठमाडौँबाट चुनाव लड्ने चर्चा भैरहेको भन्दै उनले आफु झापाबाट नै चुनाव लड्ने स्पष्ट गरेका हुन् ।

शर्मा गत आम निर्वाचनमा झापाको क्षेत्र नम्बर १ बाट माओवादी केन्द्रका उम्मेदवार सुरेन्द्र कुमार कार्कीसँग २८६३ मत अन्तरले पराजित भएका थिए ।

उनले भनेका छन्- 

फेरि प्रस्ट्याउँ- वाग्मतीको किनारलाई श्रद्धापुर्वक ढोग्ने हो । तर मान्छे म मेची र निन्दा किनारकै हो ! काठमाडौ ५ मा चुनाव प्रचारमा पुग्नेछुनै । तर उम्मेदवार बन्न चाहँदा गठबन्धनका अर्का मित्रलाई सम्मानसाथ साथमा लिएर, झापामै उम्मेदवार बन्नेछु । प्रेम उता घरजम यता कुरै हुन्न । कतिपय अनलाइनमा चासोपुर्वक लेखिएका समाचारहरुप्रती धन्यवाद दिँदै, स्पष्टताका लागि यो ट्विट गरेको जानकारी गराउँदछु । धन्यवाद ।