काँग्रेस नेता प्रदीप गिरीको निधन
काठमाडौं । नेपाली काँग्रेसका नेता प्रदीप गिरीको निधन भएको छ । सांसद समेत रहेका गिरिको मेडिसिटी अस्पतालमा शनिबार राति निधन भएको हो ।
उनको आइसियुमा उपचारको क्रममा शनिबार राति निधन भएको हो ।
नेपाली काँग्रेसका नेता डा. मिनेन्द्र रिजालले सामाजिक संजालमार्फत गिरीको निधनको पुष्टि गरेका छन् । उनले भनेका छन्- ‘दुखद छ, तर हो; हार्दिक सम्मान, प्रदिप गिरी ।’
साउन दोस्रो साता ललितपुरस्थित मेडिसिटी अस्पतालमा भर्ना भएका गिरिको स्वास्थ्यमा सुधार नआएपछि उनको आइसियूमा उपचार भइरहेको थियो ।
स्वास्थ्यमा समस्या देखिएपछि गत वर्ष साउनमा गिरि उपचारका लागि भारतको मुम्बई गएका थिए । करिब एक वर्षको उपचारपछि गिरिलाई यही साउनमा स्वदेश ल्याइएको थियो । गिरिको घाँटीमा क्यान्सर भएको थियो ।
घाँटीमा देखिएको क्यान्सर पछिल्लो समय शरिरका अन्य भागमा पनि फैलिँदै जाँदा र निमोनियासमेत हुँदा गिरिलाई थप समस्या देखिएको थियो ।
