लिड्ससँग चेल्सीको लज्जास्पद हार
काठमाडौँ । इङलिश प्रिमियर लिग अन्तर्गत चेल्सीले लज्जास्पद हार बेहोरेको छ । आइतबार सम्पन्न खेलमा लिड्स युनाइटेडले चेल्सीलाई ३-० गोल अन्तरले पराजित गरेको हो ।
लिड्सको घरेलु मैदानमा भएको खेलमा पहिलो हाफमा लिड्सले २-० को अग्रता बनाएको थियो भने दोस्रो हाफमा एक गोल गरेको थियो ।
लिड्सका लागि ब्रेण्डेन आरोन्सन, रोड्रीगो मोरेनो र ज्याक हारिसनले एक एक गोल गरेका थिए ।
यस खेलमा खेलको ८४औं मिनेटमा चेल्सीका कालीडोउ कोउलीबालीले दोहोरो पहेलो कार्ड पाएपछि मैदान छोड्दा चेल्सी १० खेलाडीमा सिमित भएको थियो ।
लिड्स युनाइटेडको यस सिजनमा यो दोस्रो जित हो । अहिलेसम्म खेलेका ३ खेलमा लिड्सले २ जित र एक बराबरीसहित ७ अंक बटुलेको छ ।
त्यस्तै चेल्सीले भने यस सिजनमा खराब शुरुवात गरेको छ । पहिलो खेलमा एभर्टनविरुद्ध संघर्षपूर्ण १-० को जित हासिल गरेको चेल्सीले दोस्रो खेलमा लेस्टरसँग २-२ को बराबरी खेलेको थियो ।
