अल्लु अर्जुनको फिल्म पुष्पा-२ को सुटिंग शुरु
काठमाडौँ । सुपरस्टार अल्लु अर्जुनको फिल्म ‘पुष्पा द राइज’को क्रेज दर्शकमा अझै कायमै छ । फ्यानहरु फिल्मको सिक्वेलको प्रतिक्षामा छन् । यस्तो अवस्थामा पुष्पाका फ्यानका लागि खुसीको खबर आएको छ । पुष्पा-२ को फिल्मको छायांकन सोमबारदेखि सुरु भएको घोषणा गरिएको छ ।
फिल्म निर्माताहरूले फिल्मको छायांकनको बारेमा अपडेटहरू दिएका छन् ।
फिल्मकी अभिनेत्री रश्मिका मन्डन्नाले आफ्नो इन्स्टाग्राममा छायांकन शुरु हुनु अघिको पूजा समारोहको तस्बिर सेयर गरेकी छिन्, जसमा उनले ‘लेस्ट गो’ लेखेकी छिन् ।
केही दिन अघि अभिनेताले आफ्नो तस्बिर सेयर गरेपछि फ्यानहरूले अल्लु अर्जुनको यो नयाँ लुक पुष्पा २ मा हुने अनुमान गरेका थिए । चलचित्रको सिजन २ मा दर्शकले दमदार एक्शन पाउने विश्वास गरिएको छ, यसका फ्यानहरु यो चलचित्रलाई लिएर निकै उत्साहित छन् ।
पुष्पा द राइजको सफलता पछि, निर्माताहरू पुष्प-२ लाई अझ भव्य स्तरमा रिलिज गर्न चाहेको बताएका छन् । जसका लागि फिल्मको बजेट बढाइएको छ । साथै चलचित्रलाई दर्शकले रुचाउनका लागि निर्माण पक्षले पटकथालाई धेरै समय दिएको छ । पुष्पा द रुल अर्को वर्ष डिसेम्बरसम्म बक्स अफिसमा रिलिज हुने अपेक्षा गरिएको छ ।
