महेश बस्नेतको बालेनलाई अर्को प्रहार- कति कमजोर धरातलमा टिकेका रहेछौ, सानो स्ट्याटसले भूकम्प गयो त !
काठमाडौँ । नेकपा एमालेका नेता महेश बस्नेत र काठमाडौँ महानगरपालिकाका मेयर बालेन शाहप्रति सामाजिक सञ्जालमा घोचपेच भइरहेको छ ।
नेता बस्नेतले मेयर बालेनले विहिबार बानेश्वरस्थित अल्फाबिटा कम्प्लेक्समा डोजर चलाएपछि सामाजिक सञ्जालमा असन्तुष्टि जनाएका थिए ।
नेता बस्नेतले पछिल्लो स्ट्याटसमा कति कमजोर धरातलमा टिकेका रहेछौ भन्दै आफ्नो सानो स्ट्याटसले भूकम्प गएको टिप्पणी गरेका छन् ।
उनले भनेका छन्- ‘कति कमजोर धरातलमा टिकेका रहेछौ नव उद्वारबादी, मबादी र सस्तो लोकप्रीयताबादी साथि हो मेरो एउटा सानो स्टाटसलेनै भुकम्प गयो त ।’
पछिल्ला दिन प्रमुख शाहले काठमाडौं महानगर भित्र अवैध तरिकाले निर्माण गरिएका संरचना भत्काउने कार्यलाई तिव्रता दिएका छन् । यस्ता कार्यमा उनी आफै उपस्थित भएर गर्ने गरेका छन् । यसैप्रति असन्तुष्टी जनाउँदै बस्नेतले शाहलाई सामाजिक सञ्जालमा तिखो प्रहार गरेका छन् ।
