लिरोय सानेले बायर्न म्युनिखलाई हारबाट बचाए

काठमाडौँ । जर्मनी बुण्डेसलिगा अन्तर्गत बायर्न म्युनिख मोन्चेनग्लाडवाचसँग बराबरीमा रोकिएको छ ।

गएराती सम्पन्न खेलमा बायर्न म्युनिख मोन्चेनग्लाडवाचसँग १-१ गोलको बराबरीमा रोकिएको हो ।

१-० ले पछि परेको बायर्नलाई खेलको ८३औँ मिनेटमा गोल गर्दै लिरोय सानेले  हारबाट बचाएका थिए । यसअघि मोन्चेनग्लाडवाचका लागि खेलको ४३औं मिनेटमा मार्कस थुरामले गोल गरेका थिए ।

यो खेलपछि बायर्नको ४ खेलमा १० अंक भएको छ भने मोन्चेनग्लाडवाचको ४ खेलमा ८ अंक रहेको छ ।